Nepali Cricket र म !!


क्रिकेटप्रति मेरो झुकाव त बच्चा-बच्चीदेखि कै नै हो | सानोछँदा आफ्नो दाजुसँग क्रिकेट खेलेको सम्झना त अहिले सम्म आउँछ | क्रिकेटको भूत हामी दुबैलाई नराम्ररी लागेको थियो, त्यसैले त घरको कोठादेखि लिएर आँगनको बगैंचासम्म, जहाँ सानो ठाउँ पायौं, हामी ब्याट र बल लिएर खेल्न तयार हुन्थ्यौं | झ्यालमा फलामे ग्रिल हुनाले शिसा त फुटाल्न  पाएनौ, तर बगैंचाको फूल-बिरुवाको शत्यानास गरेपछि आमाको हातको कुटाइ भने धेरै चोटी खायौं | तर यो मनले कहाँ मान्थ्यो र, आखिर सपना त सचिन तेन्दुलकर बन्नु थियो हाम्रो|



समय र परिस्थितिको बाटोमा हिड्दा-हिड्दै मेरो क्रिकेटर बन्ने सपना भने त्यसै तुह्हियो| पढाइमा राम्रो म डाक्टर ईन्जिनियर बन्ने सपना बुन्न थाले, तर मेरो दाजुले चाहिँ ब्याट र बलको साथ छोड्नु भएन | उँहाले काठमाडौँमा होटेल व्यवसाय गर्नुको साथसाथै आफ्नो क्रिकेटप्रतिको लगावलाई पनि  निरन्तरता दिनु भयो| धेरै साथीहरुले आफ्नो घरायसी समस्याहरुको कारण क्रिकेटको साथ छोडे, तर मेरो दाइले कुनै हालतमा क्रिकेटलाइ आफ्नो मन-मस्तिष्कबाट निकाल्नु भएन | तर अफसोस, एउटा राम्रो खेलाडी हुँदा हुँदै पनि राष्ट्रिय टिमबाट खेल्ने सपना अझैं पूरा भएको छैन | आज काठमाडौँको लागि क्षेत्रीय एकदिवसीय क्रिकेट टिममा दाइको छनौट भएको देखेर म औंधी खुशी छु | हुन त पछिल्लो वर्ष पनि छनौट न भएको होइन, तर अहिले आएर दाइले आफूलाई उदयमान खेलाडीहरुको बिचमा उभ्याइसकेका छन् र मलाइ आशा छ, यसपाली उँहाको प्रदशन सर्वोत्तम हुने छ | म मेरो दाइ सुमन उदयको उज्जवल भविष्यको कामना गर्छु |

क्रिकेटको साथ मैले पनि चटक्क छोडेको छैन | अन्तराष्ट्रिय क्रिकेटसम्बन्धी आफ्नो ब्लग "कस्मिक क्रिकेट" को माध्यमबाट अहिले पनि म आफ्नो क्रिकेट प्रेमलाई जीवन्त राख्न  सफल भएको छु | 


2 comments:

  1. Unknown said...:

    Very nicely said...
    Haha... And even I used to be one of the players those days. :) Bad player though, :)
    Those were good days. :)
    And Best of luck to Suman dai.

  1. Admin said...:

    किराँत, तिमीले कमेन्ट गरेको मैले थाहा पाएन!! अनि हामीहरु संगै क्रिकेट खेल्दाका दिनहरु त याद छ होला नि !! तिम्रो स्पिन बलिंग त गज्जबको थियो नि !! तर जे हुन्छ ठीकै हुन्छ जस्तो लाग्छ !! तिमीले जे काम गरिराखेकोछौं, तिमी त्यसमै राम्रो छौं !! Proud of you my buddy!! Do your best !!!

Post a Comment

 
नेपाली पन © 2010 | Designed by Trucks, in collaboration with MW3, Broadway Tickets, and Distubed Tour